Яр Чаллыда берничә спорт чарасы планлаштырылган

Февраль аенда Яр Чаллыда берничә зур спорт чарасы планлаштырылган. Бу хакта матбугат конференциясендә физик культура һәм спорт идарәсе башлыгы Роман Насрединов сөйләде. 6-7 февраль көннәрендә М. Ш. Бибишев исемендәге «Витязь» олимпия резервы спорт мәктәбендә Идел буе федераль округы беренчелегенә грек-рим көрәше буенча ярышлар узачак. Бу ярышлар Яр Чаллыда инде алтынчы тапкыр үткәрелә. Беренчелектә 14 регионнан 180нән артык спортчы катнаша. Шул исәптән Татарстан Республикасы җыелма командасы да, аның составында Чаллы спортчылары да бар.

«Бу безнең өчен бик мөһим чара. Беренчедән, аны тиешле дәрәҗәдә үткәрергә кирәк, икенчедән, бу Россия беренчелегенә сайлап алу», – дип билгеләп үтте физик культура һәм спорт идарәсе башлыгы Роман Насрединов.

13 февральдә "Прибрежный" паркында "Татарстан чаңгы юллары – 2021" традицион ярышлары узачак. 9:15тә беренче ярышлар планлаштырылган. Чараның форматы традицион булып кала, катнашучылар яшь төркемнәре буенча бүленәчәк. Ярышлар мәктәп укучылары арасында да, төрле яшьтәге кешеләр арасында да узачак.

"Барлык теләүчеләр ярышларга стартта да гариза бирә алалар. Оешмалар һәм мәктәпләрдән гаризалар ufis@list.ru электрон почтасына кабул ителә. Иң мөһиме – табибтан рөхсәт һәм катнашу теләге", - дип белдерде спикер.

20-21 февральдә Салават кубогына быел традицион 25 нче юбилей ярышлары узачак. Моннан тыш, быел 1600-1400 классында Татарстан чемпионаты этабы да узачак. Традицион ярышлар форматы шәһәр ипподромында үткәрелә һәм ике көн дәвам итәчәк.

Традицион Кама чаңгы марафоны 23 февральдә узачак. XX Кама чаңгы марафоны Татарстан Республикасының Атказанган физик культура хезмәткәре Е.А. Моргачев призына үткәрелә. Спортчыларга дистанцияләрне сайлап алырга тәкъдим итәчәкләр: 10, 15, 20, 30, 50 км. Гомуми старт 10:00 сәгатьтә биреләчәк. Катнашучылар саны чикләнгән. Балаларның катнашуы – бушлай, өлкәннәр 900 сум күләмендә взнос кертә. Гаризаны сылтама буенча бирергә мөмкин http://reg.o-time.ru/start.php?event=20077.