Бүген "Мастеровые" театрында яңа бина һәм театрның үсеш концепциясе
буенча фикер алыштылар. Яр Чаллыда рус драма театрын төзүгә керештеләр,
бина Чулман проспектында, Тантаналар сарае янында урнашачак. Очрашуда
Дәүләт Думасы депутаты Әлфия Когогина, ТР мәдәният министры Ирада
Әюпова, Башкарма комитет җитәкчесе урынбасары Рамил Хәлимов, мәдәният
идарәсе җитәкчесе Румил Кәрамиев, «Мастеровые» рус драма театры
хезмәткәрләре, шәһәрнең яшьләр активы катнашты.
Әлфия Когогина Чаллы яшьләрен театрның яңа йөзен булдыру мәсьәләсендә актив катнашырга чакырды: «Без төрле модалы технологияләр белән башланган заманча тартма төзергә генә түгел, ә шәһәр халкы белән бергә нинди җәмәгать киңлеге булдырырга теләвебезне, театрның тышкы һәм эчке ягы нинди булырга тиешлеген билгеләргә бурычлы. Әйдәгез, яшьләрдән, чаллылыларның яшь буыны театрга килсен өчен, анда нинди рух яшәргә тиешлеген сорашыйк»?, – диде ул һәм «Мастеровые» – илдә иң яхшы театрларның берсе, дип белдерде.
Ирада Әюпова яңа театр Кама аръягы төбәгенең барлык халкын җәлеп итү ноктасы булырга тиеш,дип белдерде: "Без сезнең белән бергә театр төзелеше буенча гына түгел, Чаллы һәм Кама аръягы төбәгенең мәдәни үсеш драйверын формалаштыру буенча зур эш башлыйбыз", – диде министр.
Театрның рәссам-сценографы Елена Сорокочкина булачак бинаның тышкы һәм эчке бизәлеше белән уртаклашты.
Яр Чаллыда «Мастеровые» рус драма театрының яңа бинасын 2022 елда ачарга планлаштыралар.
При использовании информации просьба ссылаться на Управление информационной политики и по связям с общественностью.
Җомга, 5 февраль 2021, 17:00