Ашыгыч медицина ярдәме хастаханәсе баш табибы Марат Мөхәммәдиев автокаланың депутатлар корпусы исеменнән Татарстан президенты Рөстәм Миңнехановка һәм Дәүләт Думасы депутаты Әлфия Когогинага Яр Чаллыда яңа күппрофильле хастаханә төзү мөмкинлеген карау үтенече белән мөрәҗәгать итте.
"Шәһәрдә элеккечә үк яңа күппрофильле хастаханә төзү мәсьәләсе актуаль булып кала бирә. Ел саен 60 мең пациент мөрәҗәгать иткән хәзерге бишенче шәһәр хастаханәсе тулай торак бинасында урнашкан һәм медицина ярдәмен күрсәтүнең заманча стандартларына туры килми. Хәзерге вакытта шәһәр хастаханәсе муниципальара кан тамырлары үзәге, оториноларингология, урология, флебология, теш казнасы-бит хирургиясе буенча медицина ярдәмен шәһәр халкына гына түгел, Татарстан Республикасының 19 районына да күрсәтә торган бердәнбер дәвалау оешмасы булып тора. Хөрмәтле Рөстәм Нургалиевич, сезгә Россия Федерациясе Хөкүмәте алдында федераль программаларга шәһәрдә яңа күппрофильле стационар төзү турында үтенеч белән мөрәҗәгать итәбез. Хөрмәтле Әлфия Гомәровна, онкологик диспансер төзегәндә сезнең тәҗрибәгезне һәм бәяләп бетергесез ярдәмегезне исәпкә алып, яңа хастаханә төзү мәсьәләсен хәл итүегезне һәм аны эшкә алуыгызны сорыйбыз", - диде ул.Рөстәм Миңнеханов бу мәсьәләнең, чыннан да, актуаль булуы белән килеште һәм аның буенча фикер алышырга вәгъдә итте.
При использовании информации просьба ссылаться на Управление информационной политики и по связям с общественностью.
Сишәмбе, 16 февраль 2021, 15:07