Яр Чаллыда Ватанны саклаучылар көне уңаеннан Мәңгелек утка чәчәкләр салдылар. Тантаналы чара "Ватан-ана" мемориалы янында узды.
Анда шәһәр мэры Наил Мәһдиев катнашты. Бу көнне Бөек Ватан сугышы ветераннары:
фронтовикларга, концлагерь тоткыннарына, блокададагы Ленинградта
яшәүчеләргә, тыл хезмәтчәннәренә рәхмәт сүзләре яңгырады: «Безнең
ветераннар күпьеллык канкойгыч сугышның бөтен авырлыкларын үз
җилкәләрендә татыды, коточкыч ачлык, нацистларның коточкыч вәхшилеге,
бетмәс-төкәнмәс югалтулар ачысын кичерде», - диде мэр.
«Без Россия Федерациясе Кораллы Көчләре сафларында вакытлы хезмәт итүче яшьләр белән горурланабыз. Безнең егетләр илнең иң яхшы частьләрен тулыландыра. Алар Севастопольдә, стратегик билгеләнештәге 14 нче ракета дивизиясендә, Кремль полкында хезмәт итә. Безнең шәһәр исемен Кара диңгез флотының хәрби корабы йөртә. Армия тормышы Россиянең Кораллы көчләренең бу һәм башка частьләрендә хезмәт итүче безнең егетләрне физик һәм рухи яктан чыныктыра», - дип билгеләп үтте ул.
14 меңнән артык шәһәрдәшебез фронтка киткән, шуларның 5 меңнән артыгы кире әйләнеп кайтмаган.
При использовании информации просьба ссылаться на Управление информационной политики и по связям с общественностью.
Сишәмбе, 23 февраль 2021, 12:02