Яр Чаллы шәһәре муниципаль берәмлегенең 2020 елга бюджеты үтәлеше турындагы хисап проекты буенча ачык тыңлаулар шәһәр мэриясендә узды. Чарада мэр урынбасары Ирина Сәгыйдуллина катнашты.
Яр Чаллының узган елдагы социаль-икътисадый үсеш нәтиҗәләре турында Башкарма комитет җитәкчесе урынбасары Наталия Кропотова сөйләде.
2020 елда төяп җибәрелгән продукция күләме 418 млрд сум тәшкил иткән, сәнәгать җитештерүе индексы 101%. Татарстан Республикасында сәнәгать җитештерүе индексы 96,4 % тәшкил итә, Россия Федерациясе буенча ул 97,1%.
Шәһәр икътисадына төп өлешне «КАМАЗ» ААҖ шәһәр төзүче предприятиесе тәэмин итә. Аның өлеше шәһәр сәнәгате күләмендә 38%ка якын. Компания тарафыннан 157,7 млрд сумлык продукция төяп җибәрелгән.
"Россия Федерациясе Хөкүмәте, Татарстан Республикасы тарафыннан күрсәтелгән тармакларга ярдәм чаралары һәм компания җитәкчелеге тарафыннан гамәлгә ашырылган кризиска каршы чаралар нәтиҗәсендә уңай нәтиҗәләр алынды", – дип билгеләп үтте Наталия Кропотова.
2020 елга Яр Чаллы бюджеты үтәлеше турындагы доклад белән финанс идарәсе башлыгы Светлана Мулюкова чыгыш ясады. Шулай итеп, 2020 елда шәһәр бюджеты керемнәре 10 млрд 154 млн сум тәшкил иткән. Керемнәр структурасында үз керемнәре 5 млрд 132 млн сум исәпләнә, ягъни барлык керемнәрнең 50,5% ы, бюджетара трансфертлар 5 млрд 22 млн сум яки 49,5%ы күчерелгән.
Тулаем алганда, бюджет керемнәре, 2019 ел дәрәҗәсенә карата 156 млн сумга үсеш белән, узган ел дәрәҗәсенә карата бюджетара трансфертларның 116,6 млн сумга артуы һәм бюджетның үз керемнәре буенча керемнәрнең 39,4 млн сумга артуы нәтиҗәсендә керде. Салым керемнәре буенча керемнәр үсеше 117,3 млн сум яки 2,8% тәшкил иткән. Төп үсеш физик затлар кеременә салымга туры килә – 158,7 млн.сум, физик затлар милкенә салым – 28,8 млн. сум.
2020 елда Яр Чаллы бюджетының үтәлешенә бәяне шәһәрнең Контроль-хисап палатасы рәисе Татьяна Шливе һәм КФУның Чаллы институты профессоры Анатолий Макаров тәкъдим итте.
Эксперт комиссиясе бюджет үтәлеше буенча уңай бәяләмә бирде.
При использовании информации просьба ссылаться на Управление информационной политики и по связям с общественностью.
Җомга, 5 март 2021, 15:55