Яр Чаллыда мәктәпкәчә яшьтәге балалар арасында «Татар малае-2021» һәм «Татар кызы-2021» конкурсларына йомгак ясалды. Конкурслар татар телендә, яшь талантларны ачыклау һәм үстерү, балаларны туган телгә өйрәтү, театр сәнгатенең иң яхшы үрнәкләрен, Татарстан Республикасының тарихи-мәдәни мирасын өйрәнү, балаларга эстетик тәрбия бирү максатыннан үткәрелде. Аларда Чаллының 124 балалар бакчасыннан 124 бала катнашты.
Конкурс финалында катнашкан 5 малай һәм 5 кыз җиңүче булды. Алар - 1, 5, 26, 49, 69, 93, 94, 95, 103, 122 нче санлы балалар бакчалары тәрбияләнүчеләре.
«Татар малае - 2021» һәм «Татар кызы - 2021» финалы Шәһәр балалар һәм яшьләр иҗаты сараеның театр залында шоу-программа формасында узды.
Шулай итеп, «Татар малае - 2021» һәм «Татар кызы - 2021» конкурслары җиңүчеләре дип шәһәрнең 1 нче балалар бакчасында тәрбияләнүче Искәндәр Шәрипов һәм 94 нче балалар бакчасында тәрбияләнүче Әдилә Гарипова танылды.
Барлык финалистларга дипломнар һәм кыйммәтле бүләкләр тапшырылды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 29 апрель 2021, 15:06