Бөек Ватан сугышы ветераны Зәйтүнә Айнетдин кызы Чинкина 90 яшьлек юбилее уңаеннан котлаулар кабул итә.
Зәйтүнә Айнетдин кызы Чуваш Республикасының Батыр районы Шыгырдан авылында туган. Педагогика училищесын тәмамлый һәм берничә ел башлангыч сыйныфлар укытучысы булып эшли. 1952 елда Казан педагогия институтына география бүлегенә укырга керә, анда булачак ире Чинкин Миңнулла Мөхәммәтдин улы белән таныша. 1957 елда яшь пар өйләнешәләр, аннан Бөгелмә районының Карабаш поселогына күченәләр. 1967 елда Әлмәттә физкультура техникумында эшлиләр, анда Зәйтүнә Айнетдин кызы спорт физиологиясе дәресләрен укыта.
1973 елда Чинкиннар даими яшәү урынына Яр Чаллы шәһәренә күчеп килә. Зәйтүнә Айнетдин кызы 3 нче спорт мәктәбендә укыту эшләре буенча директор урынбасары булып эшли. Гаилә ике бала тәрбияләп үстергән, бүгенге көндә юбилярның 3 оныгы һәм 3 оныкчыгы бар.
При использовании информации просьба ссылаться на Управление информационной политики и по связям с общественностью.
Шимбә, 12 июнь 2021, 13:31