Чаллының «Энергетик» мәдәният сараенда Сабан туе гүзәлен игълан иттеләр. Финалда 18 дән 25 яшькә кадәрге ун кыз катнашты. Алар үзләренең иҗади сәләтләрен, татар милли киемнәрендә дефиле күрсәттеләр.
Бәйгенең җиңүчесе дип 30 нчы мәктәпнең 10 сыйныф укучысы, 17 яшьлек Роза Әмирова танылды. Җиңүче таҗын аңа «Сабан туе гүзәле - 2021» бәйгесенең жюри рәисе — Башкарма комитет җитәкчесе Фәрид Салахов тапшырды. Ул барлык чаллылыларны якынлашып килүче Сабан туе бәйрәме белән котлады.
Традиция буенча, Сабан туе көнендә Роза Әмирова Сабан туеның абсолют батырын котлаячак.
При использовании информации просьба ссылаться на Управление информационной политики и по связям с общественностью.
Пәнҗешәмбе, 17 июнь 2021, 14:32