Хәзерге вакытта Яр Чаллыда яңа коронавирус инфекциясенең 2 897 очрагы теркәлгән. Күрсәткеч 100 мең кешегә 551,4 тәшкил итә, бу республика буенча уртача күрсәткечтән 8% ка кимрәк. 120 кеше медицина күзәтүе астында, 8 726 кеше күзәтүдән төшерелгән.
Әлеге мәгълүматларны Роспотребнадзорның Чаллыдагы территориаль бүлеге җитәкчесе Илгизәр Бариев җиткерде.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте хуҗалык итүче субъектларда эпидемиягә каршы чараларның үтәлешен контрольдә тоту эшен дәвам итә. Сәүдә челтәрләре, сәүдә предприятиеләре, җәмәгать туклануы нокталары, сәнәгать предприятиеләре, медицина оешмалары тикшерелде.
“Гин-но Таки” ресторанында, аерым алганда, эш сменасы башланыр алдыннан көн саен керү фильтры үткәрелми, сәламәтлек журналында язылу юк, официантлар битлекләрен дөрес кимичә эшләгәннәр, санитар төеннәрдә антисептиклар һәм персонал һәм кунаклар өчен дезинфекция чаралары юк. Шәхси эшмәкәрләргә карата 6.3 статьяның 2 өлеше буенча беркетмә төзелде, административ материаллар тикшерү һәм карар кабул итү өчен шәһәр судына җибәрелде. Шулай ук Dum Balla ресторанында да шундый ук хокук бозулар ачыкланган. Бармен антисептиксыз эшләгән, көн дәвамында дымлы җыештыру үткәрелмәгән", - дип хәбәр итте Илгизәр Бариев.
Наил Мәһдиев билгеләп үткәнчә, берничә тапкыр хокук бозулар ачыкланган предприятиеләргә катгый чаралар күрелергә тиеш.
При использовании информации просьба ссылаться на Управление информационной политики и по связям с общественностью.
Дүшәмбе, 5 июль 2021, 08:49