Яр Чаллыда Республика көне уңаеннан беренче чаралар Сидоровка паркында узды. Муниципаль берәмлек башлыгы урынбасары Ирина Сәгыйдуллина шәһәр халкын һәм шәһәр кунакларын бәйрәм белән котлады. Котлауларга Дәүләт Советы депутаты Марсель Мингалимов, Шәһәр Советы депутаты Рубина Бадикова, Комсомол районы хакимияте башлыгы вазыйфаларын башкаручы Фидәрис Хәбибуллин да кушылды.
Бу көнне паркта
шәһәр тарихы музееның "Татарстан халыклары турында" дигән күргәзмәсе
оештырылды, китапханә системасы республикабыз авторларының яңа китапларын
тәкъдир итте. "Чудо-дети" дәвалау педагогикасы үзәге АМСАТ-КОНВЕРТ -
кешенең функциональ халәтен экспресс-бәяләү диагностик аппаратларын тәкъдим
итте, шулай ук балаларны реабилитацияләүдә «Чудо-дети» үзәге куллана торган
методик кулланмалар күрсәтелде һәм сынап каралды.
Сидоровка поселогы территориаль иҗтимагый үзидарәсе рәисләре дә читтә калмады. Алар район халкы белән берлектә декоратив - гамәли иҗат эшләнмәләре һәм бакча уңышларыннан күргәзмә оештырдылар.
"Энергетик" мәдәният сарае артистлары һәм коллективлары катнашында концерт программасы әзерләнгән иде.
Ата-аналар һәм балалар татлы ризыклар белән сыйландылар һәм карусельләрдә рәхәтләнеп вакытларын үткәрделәр.
При использовании информации просьба ссылаться на Управление информационной политики и по связям с общественностью.
Дүшәмбе, 30 август 2021, 15:01