Яр Чаллының 86 нчы «Өмет» интернат-мәктәбе 1993 елның 6 сентябреннән эшли. Бина тулысынча яңартылуны 40 ел көткән (анда элек балалар бакчасы булган). Ремонтка республика бюджетыннан 67 млн сумнан артык акча бүлеп бирелгән.
Бүген биредә сәламәтлек ягыннан мөмкинлекләре чикләнгән балалар дәвалана, укый, адаптацияләнә. Коллектив дус-тату, күп кенә хезмәткәрләр монда инде егерме елдан артык эшли.
Ачылу тантанасында
шәһәр мэры Наил Мәһдиев һәм РФ
Дәүләт Думасы депутаты Әлфия Когогина
катнашты.
Наил Мәһдиев балаларны һәм аларның ата-аналарын бәйрәм белән котлады, капиталь ремонттан соң мәктәпне яңа бина дип санарга мөмкин, чөнки биредә территорияне төзекләндерүдән тыш, инженерлык коммуникацияләрен алыштыру да башкарылган. Моннан кала, ата-аналар өчен озак көтелгән зур парковка да барлыкка килгән.
«Теләсә кайсы гаилә тормышында иң көтеп алынган бәйрәм һәм иң якты вакыйга – 1 нче сентябрь алдыннан яңа төзелгән яки ремонтланган яңа объектларны тантаналы төстә ачу яхшы гадәткә әверелде, - дип мөрәҗәгать итте шәһәр мэры мәктәп коллективына. – Без янәшәдәге территорияне һәм бинаны тәртипкә китерербез дип вәгъдә иттек һәм бу вәгъдәбезне үтәдек. Сезнең эшегездә үзенчәлекләр бик күп, әмма сез барлык авырлыкларны да җиңәсез. Яр Чаллы, Татарстан Республикасы, Россия Федерациясе сезнең эшегезне хуплый һәм тәрбия мәсьәләләренә зур өлеш кертә».
Ачылу тантанасыннан
соң кунаклар уку кабинетларына уздылар. Аларның кайберләрендә йокы бүлмәләре
дә урнашкан - балаларның бер өлеше биредә тулы көн циклында белем ала. Мэр
мәктәп директоры Роберт Абайдуллин
белән бергә өстәмә белем бирү кысаларында алып барыла торган эшләр белән дә
танышты.
При использовании информации просьба ссылаться на Управление информационной политики и по связям с общественностью.
Сишәмбе, 31 август 2021, 12:34