Мәктәпкәчә учреждениеләрдә яңа ел бәйрәменең форматы турында атналык матбугат конференциясендә шәһәрнең баш санитар табибы Илгизәр Бариев сөйләде: «Ата-аналар һәм туганнар COVID-19дан вакцинация узу турында яки соңгы алты айда кичерелгән авыру турында расланган мәгълүматка ия булырга тиеш. Бинага кергәндә контактсыз термометрия үткәрелергә тиеш, тән температурасы 37,1дән арткан затларга әлеге чараларда катнашу тыела».
Вакцинация турындагы сертификатка бәйрәмне оештыруда катнашучы персонал да ия булырга тиеш: артистлар, аниматорлар һәм балаларны озатып йөрүче затлар.
Берничә төркем яки сыйныфларның уртак бәйрәм чаралары тыела.
«Үткәрелә торган чаралардан соң, һичшиксез, җилләтү үткәрелергә тиеш, бинада, инструкцияләр нигезендә вируска каршы чаралар кулланып, дымлы җыештыру үткәрелергә тиеш. Һаваны зарарсызландыру өчен нәкъ менә балалар булганда рөхсәт ителгән чараларны кулланырга кирәк», - диде Илгизәр Бариев.
Әйтергә кирәк, пандемия башланганнан бирле Яр Чаллыда яңа коронавирус инфекциясенең лабораториядә расланган 5 948 очрагы теркәлгән.
При использовании информации просьба ссылаться на Управление информационной политики и по связям с общественностью.
Пәнҗешәмбе, 16 декабрь 2021, 11:51