Автозавод районында Яңа ел чараларын үткәрү дәвам итә.
Бүген «Орион» яшьләр үзәгендә күп балалы һәм аз тәэмин ителгән гаиләләрдә тәрбияләнүче балалар, сәламәтлек ягыннан мөмкинлекләре чикләнгән балалар өчен «Кар Кызын коткару операциясе» дигән Яңа ел тамашасы оештырылды.
Тамаша барышында балалар төрле конкурсларда актив катнаштылар, Кыш Бабайга шигырьләр сөйләделәр, чыршы утларын кабыздылар, әйлән-бәйлән уйнадылар һәм «КамАЗ» ААҖдан татлы бүләкләр алдылар.
Автозавод районы хакимияте тарафыннан льготалы категория гаиләләрдән 800дән артык баланы Яңа ел тамашалары һәм бүләкләре белән тәэмин итү планлаштырылган.
При использовании информации просьба ссылаться на Управление информационной политики и по связям с общественностью.
Җомга, 24 декабрь 2021, 17:36