Яр Чаллыда «Яңа ел казы» дип аталган бәйрәм алды тематик ярминкәләр шәһәрнең өч мәйданчыгында – Г.Тукай исемендәге яр буенда «Төзүче» стадионы каршында, Ипподром территориясендә һәм «Южный» агросәнәгать паркы территориясендә оештырылды. Ярминкә мәйданнарына 20 млн сумнан артык суммага 161 тоннадан артык авыл хуҗалыгы продукциясе китерелгән.
Комсомол районындагы ярминкә мәйданчыкларында шәһәр Башкарма комитеты җитәкчесе Фәрид Салахов һәм Тукай муниципаль районы башлыгы Фаил Камаев булдылар.
«Төзүче» стадионы территориясендә Тукай районы авыл җирлекләре катнашында махсуслаштырылган авыл хуҗалыгы ярминкәсе узды, анда балык, бәрәңге, яшелчә, ит, сөт, шулай ук төрле бакалея продукциясе тәкъдим ителде. Сәүдә урыннары Яңа ел тематикасында бизәлгән иде.
.JPG)
Чаллылылар сыер ите, дуңгыз ите, үрдәк, каз, яшелчә, йомырка һәм башка продукцияне бәйрәм табынына актив сатып алдылар.
Яңа ел алдыннан ярминкә мәйданчыкларында бәйрәм атмосферасы хөкем сөрде. Тукай һәм Менделеевск районнары мәдәният хезмәткәрләре тарафыннан концерт программасы оештырылды.
Узып баручы елның соңгы ярминкәләре 26 декабрьдә расланган өч ярминкә
мәйданчыгында узачак.
При использовании информации просьба ссылаться на Управление информационной политики и по связям с общественностью.
Шимбә, 25 декабрь 2021, 14:51