Яр Чаллыда көнкүреш газы шартлаудан зыян күргән 48/20 йортын ремонтлау тәмамланды. Бүген аны файдалануга тапшырдылар. Шәһәр мэры Наил Мәһдиев төзекләндерелгән фатирларны карап чыкты һәм аларның хуҗалары белән аралашты.
Торак йортны ремонтлау эшләрен «Твой дом» төзелеш компаниясе алып барды. Төзүчеләр 11 подъездның 4, 5 катындагы конструкцияләрне торгыздылар, яңа инженерлык челтәрләре урнаштырдылар, йортның фасады яңартылды, яңа тәрәзәләр һәм керү ишекләре урнаштырылды, фатир һәм подъезд бүлмәләренең эчке бизәкләү эшләре башкарылды, түбә урнаштырылды.
Haier компаниясе 11 нче подъездның һәр кешесенә суыткыч һәм кер юу машинасы алу өчен сертификатлар бүләк итте.
Балалар мэрдан Яңа ел бүләкләре буларак ноутбук һәм тәм-томнар кабул иттеләр.
.jpg)
При использовании информации просьба ссылаться на Управление информационной политики и по связям с общественностью.
Чәршәмбе, 29 декабрь 2021, 14:25