Яр Чаллының яшьләр белән эшләү идарәсен Ләйсән Видинеева җитәкләде. Хезмәт эшчәнлеген ул шәһәрнең 1 нче балалар иҗат үзәгенең педагог-оештыручысы буларак башлый, 41 нче мәктәпнең тәрбия эшләре буенча директор урынбасары булып эшли, Башкарма комитетка билгеләнгәнче «Яшүсмер» яшүсмерләр-яшьләр клублары үзәге директоры вазыйфасын башкарган.
Ләйсән Видинеева шәһәр мэрының, ТР Яшьләр эшләре һәм спорт министрлыгының, яшьләр белән эшләү идарәсенең рәхмәт хатлары, Башкарма комитет җитәкчесенең рәхмәт хатлары белән бүләкләнгән. Кияүдә, ике баласы бар. Бүген яшьләр белән эшләү идарәсенең яңа башлыгы коллективка тәкъдим ителде.
При использовании информации просьба ссылаться на Управление информационной политики и по связям с общественностью.
Җомга, 28 гыйнвар 2022, 14:15