Муниципаль заказларны җитештерү турында бүлек башлыгы Марсель Хәйретдинов сөйләде.
Ул билгеләп үткәнчә, муниципаль сатып алулар базарның барлык өлкәләрен дә диярлек колачлый – юллар һәм эре объектлар төзүдән алып социаль учреждениеләрдә туклануны оештыруга кадәр. «Аларны гамәлгә ашыруның нәтиҗәлелеге, конкуренцияне тәэмин итү, сатып алуларда катнашучыларның нәтиҗәлелек өчен җаваплылыгы – контракт системасының төп принциплары булып тора. Бүген Яр Чаллы шәһәрендә гамәлгә ашырыла торган сатып алулар өлкәсендәге барлык мөһим проектлар, беренче чиратта, аларны үтәүгә юнәлдерелгән», - дип ассызыклады ул.
Процедураларның максималь үтә күренмәлелеген тәэмин итү максатыннан, сатып алулар электрон конкурслар, электрон аукционнар һәм биржада сатып алулар белән гамәлгә ашырыла. Шәһәрнең муниципаль заказчылары өчен 2021 елда муниципаль заказ бүлеге тарафыннан 5 млрд 383 млн сумлык 9000нән артык сәүдә уздырылган. Биржада сатып алу күләме елдан-ел арта. Күбрәк тәэмин итүчеләрне җәлеп итү, димәк, конкуренцияне арттыру һәм бюджет акчаларын янга калдыру максатыннан, 600 мең сумга кадәр кече күләмле сатып алулар урынына Республика маркетинг үзәгенең Электрон биржа мәйданчыгында сатулар үткәрелә.
Шәһәр мэры Наил Мәһдиев билгеләп үткәнчә, шәһәрдән сатуларда катнашучылар саны югары түгел. «Сатып алулар үткәрү өчен алга таба да укулар үткәрергә кирәк, - дип билгеләп үтте ул. - Бу Яр Чаллы шәһәре предприятиеләре өчен яхшы мөмкинлек».
При использовании информации просьба ссылаться на Управление информационной политики и по связям с общественностью.
Дүшәмбе, 31 гыйнвар 2022, 10:05