Чаллыларны Яшьләр көнендә нинди яңалыклар көтте

16:00 сәгатьтән интерактив мәйданчыклар эшли башлады. Быел кунаклар игътибарына яңа зоналар тәкъдим ителде.

Лэнд-Арт беренче шәһәр фестивале кешеләргә табигый материаллардан арт-объектлар булдыру юлларын күрсәтә торган уникаль шәһәр проекты. Фестиваль кысаларында катнашучы командалар 3 арт-объект сайлап алачак, алар киләчәктә шәһәребезнең җәмәгать киңлекләрен бизәячәк.  

Drone Team #Гренада проекты мәйданчыгы шулай яңалык. Проект Бөтенроссия яшьләр проектлары конкурсы гранты ярдәме белән тормышка ашырылды. Проектның җитәкчесе – Дмитрий Колесников, Яр Чаллы шәһәре Яшьләр парламенты рәисе. Әйтергә кирәк, бу чаллылының өченче проекты инде. 2018 елдан аның җитәкчелегендә Яр Чаллыда «Яшел фитнес» проекты үсә. 2019 һәм 2020 елларда Дмитрий Колесников «Медиасфера» матбугат үзәге проекты булән 500 000 сумлык ике грант отты.  

«Дроннарда мобиль трасса буенча узыш» юнәлеше буенча спортчылар квадрокоптерлар белән идарә итү күнекмәләрен күрсәттеләр.   

«Погружение» шәһәр иммерсив театры фестивале шәһәребезнең яшьләр һәм студентлар театр командалары башкаруындагы спектакльләрне тәкъдим итте.

«Ремдизель», «КАМАЗ», «РИАТ» предприятиеләре, «КАМА» автомәктәбе эшче яшьләр активы белән берлектә велофест оештырдылар. Мәйданчыкта: балалар, яшүсмерләр һәм яшьләр арасында велосипедта һәм самокатларда ярышлар, маршрут буенча йөрү мәйданчыгы.  

«Двор ART» фестивале кысаларында беренче тапкыр ишегалды хоккей кортлары вагончиклары буядылар. Граффити фестивале Яшьләр көне уңаеннан башланып киткән иде. Ул микрорайонда уңайлы мохит булдыруга һәм шәһәр мохитендә граффити куллануның уңай мисалларын пропагандалауга юнәлтелгән.

Татарстанның яшь дизайнерлары Яшьләр көнендә уникаль киемнәр тәкъдим иттеләр. Күргәзмәдә бизәнү әйберләре, табигый косметика, интерьер һәм декор әйберләре белән танышып булды.

Батут фристайлы сәнгатен Doaflip спорт үзәгендә тәрбияләнүчеләр күрсәтте. Үзәктә батут фристайлның иң профессиональ атлетлары үсеп чыкты.