Чаллыда URBANTATAR берләшмәсе беренче тапкыр “UT FEST” дип исемләнгән яңа татар мәдәнияте фестивале уздырачак. Чара 13 августка планлаштырылган. Ул “Азатлык” мәйданында кичке дүрттән 22:00 сәгатькә кадәр үтәчәк. Аның кысаларында Казанның Yummy Music инди-лейблы резидентлары һәм Aman Po-Kaifu Мәскәү диджейы чыгыш ясар дип көтелә. Шулай ук биредә төрле мастер-классларда катнашып осталыгыңны чараларга да мөмкин булачак. Урында татар китаплары һәм төрле кул эшләнмәләре тәкъдим ителүче сәүдә мәйданчыклары да эшләячәк. Моннан тыш, теләге булганнарны автобуска утыртып, шәһәр буенча экскурсиягә дә алып китәчәкләр.
При использовании информации просьба ссылаться на Управление информационной политики и по связям с общественностью.
Пәнҗешәмбе, 11 август 2022, 12:02