Бүген Тантаналар сараенда финанс өлкәсе хезмәткәрләрен хөрмәтләделәр. Бу бәйрәмдә Наил Мәһдиев финансистларны Мактау грамоталары белән бүләкләде. Татарстан Республикасы Финанс министрлыгы, Яр Чаллы шәһәре мэры һәм Башкарма комитет җитәкчесенең Рәхмәт хатларын 15 кеше алды. Тантаналы бүләкләүдән соң бәйрәм өлеше булды. Шәһәр финансистлары өчен "Энергетик" мәдәният сарае артистлары музыкаль бүләкләр: инструменталь һәм вокаль номерлар әзерләгәннәр.
Россиядә финансист көне 8 сентябрьдә билгеләп үтелә. Бу көнне 1802 елда Александр I Россия Империясенең Финанс министрлыгын оештырды. Финанс Дәүләт үсешенә генә түгел, ә шәһәр үсешенә дә тәэсир итә. Бу елга Яр Чаллы бюджеты 13 млрд 600 млн сум тәшкил иткән. Соңгы 10 елда ул 216% ка артты.
При использовании информации просьба ссылаться на Управление информационной политики и по связям с общественностью.
Пәнҗешәмбе, 8 сентябрь 2022, 12:18