Бөтен республикада 2023 елда «Безнең ишегалды» президент программасы буенча төзекләндереләчәк халык белән очрашулар башланды. Бу программаның мөһим этабы, анда төзекләндерүнең башлангыч схемалары күрсәтеләчәк һәм халык фикерен җыю узачак. Очрашулар графигы программаның социаль челтәрләрендә һәм сайтларында бар. Әгәр халыкның фикер алышуга килү мөмкинлеге булмаса, архитекторга очрашудан соң өч көн эчендә идарәче оешма яки җыелышта булачак күршеләр аша үз теләкләрен белдерергә мөмкин. Һәр ишегалдын төзекләндерә башлау алдыннан халык белән ким дигәндә өч очрашу уздырыла. Аларның беренчесе аеруча мөһим, чөнки төзекләндерүнең башлангыч схемасы тикшерелә, анда яшәүчеләрнең тәкъдимнәрен исәпкә алып, үзгәрешләр кертергә кирәк. Фикер алышуда район администрациясе вәкилләре, идарәче оешма хезмәткәрләре, архитекторлар-проектлаучылар катнашачак. Кирәк булса, подрядчылар һәм техник күзәтчелек хезмәте вәкиле чакырыла.
Архитекторлар, булган төзелешне, ишегалды территориясенең зурлыгын, инженерлык челтәрләренең урнашу урынын һәм ишегалдының башка техник үзенчәлекләрен исәпкә алып, күпчелек кешеләрнең фикерләрен исәпкә алачаклар һәм чагылдырачаклар. Беренче очрашулар көз ахырына кадәр дәвам итәчәк. Соңыннан проектлаучылар төзекләндерүнең йомгаклау схемаларын әзерли башлаячаклар, алар апрель аенда төзелеш эшләре башланганчы өч көн алдан тәкъдим ителәчәк. 2019 елда Татарстан ишегалларын төзекләндерүнең масштаблы программасын Татарстан президенты Рөстәм Миңнеханов башлап җибәрде. Программа эшләү дәверендә Татарстанда 7000гә якын ишегалды рәткә китерелгән.
При использовании информации просьба ссылаться на Управление информационной политики и по связям с общественностью.
Җомга, 9 сентябрь 2022, 16:08