Чаллыдан мобилизацияләнүчеләрне озатканнан соң, журналистлар белән аралашу барышында Наил Мәһдиев аларның гаиләләренә ярдәм күрсәтеләчәген билгеләп үтте: «Ярдәмнең матди чараларына килгәндә, Чаллы шәһәре махсус хәрби операция барышында«Алга» һәм «Тимер» ирекле батальоннары составында катнашучы сугышчыларга матди ярдәм күрсәтте һәм күрсәтәчәк. Безнең мобилизацияләнгән, хәрби зонага китүчеләрнең балалары 1 октябрьдән мәктәпләрдә бушлай тукланачак. Бу чара бүген бездә күп балалы гаиләләргә, инвалид балаларга, эчке эшләр органнары хезмәткәрләренең балаларына гамәлдә. Моннан тыш, 1 октябрьдән без махсус хәрби операция зонасында хезмәт итүче сугышчы егетләребезнең балалар бакчаларына йөрүче нәниләре өчен абонент түләве өлешендә билгеле бер карар кабул итәчәкбез».
Шулай ук шәһәр мэры гаиләләргә ярдәм итүнең башка аспектларын да билгеләп үтте: "Бүген без коллегаларыбыз белән хезмәт итәргә киткән сугышчылар өчен түләүләргә төзәтмәләр кертүне карыйбыз. Бу аларның гаиләләренә финанс стрессын киметү өчен эшләнә. Без башка ярдәм чараларын хезмәт коллективлары белән бергә караячакбыз", – диде Наил Мәһдиев.
Мобилизацияләнгән чаллылыларга да матди ярдәм күрсәтелде: "Без һәр сугышчыга шәһәр бюджетыннан 20 мең сум акча бүлеп бирдек. Үзебезнең предприятиеләрдән, оешмалардан, учреждениеләрдән милек рәвешләренә карамастан, хезмәт итәргә киткән сугышчыларның гаиләләренә матди ярдәм күрсәтүне сорадык. Чаллы гаиләләренә бу авыр вакытта мораль яктан гына түгел, оештыру, матди ярдәм күрсәтү өчен без бөтен дөнья, Чаллы шәһәре, җирле хакимият тарафыннан барысын да эшләячәкбез дип уйлыйм.
При использовании информации просьба ссылаться на Управление информационной политики и по связям с общественностью.
Шимбә, 24 сентябрь 2022, 15:01