Ул шулай ук республика һәм дәүләттән ярдәмнең мөһимлеген аерым билгеләп үтте: "Урам хәзер бөтенләй башка төсмер алды, күзгә күренеп ямьләнде. Чаллылылар исеменнән безнең республика президенты Рөстәм Миңнехановка, илебез президенты Владимир Путинга, «Имин һәм сыйфатлы юллар» федераль программалары, республика программаларына рәхмәт әйтәсем килә", – дип хәбәр итте Наил Мәһдиев. 100 млн сумлык эшләр федераль һәм республика бюджетларыннан финансланды.
Шамил Усманов урамын төзекләндерү 2017 елдан башлап этаплап алып барылды. Бүген Халыклар дуслыгы проспектыннан Академик Королев урамына кадәр участок ачылды. Төзекләндерелгән юлның гомуми озынлыгы - 767 метр.
Эшләр барышында светодиод яктырткычлы яңа ут баганалары, юл билгеләре урнаштырылды, юл тамгалары куелды, ясалма юл тигезсезлекләре, 74 яңа машина кую урыны булдырылды.
При использовании информации просьба ссылаться на Управление информационной политики и по связям с общественностью.
Чәршәмбе, 28 сентябрь 2022, 17:27