Яр Чаллыда махсус хәрби операциядә катнашучы хәрби бурычлыларның гаиләләренә ярдәм итү чаралары тормышка ашырыла. Шәһәр мэры Наил Мәһдиев кушуы буенча 1 октябрьдән 422 урта мәктәп укучысы бушлай ике тапкыр туклана.
Мобилизацияләнгән гражданнарның балалары түгәрәкләргә һәм секцияләргә бушлай йөри, 272 мәктәпкәчә яшьтәге бала (бүгенге көнгә булган мәгълүматлар), балалар бакчалары өчен түләүдән азат ителә. Ташламалар буенча барлык чыгымнар шәһәр бюджеты хисабына капланачак. "Эш индивидуаль караш таләп итә. Ташлама алу өчен ата-аналарның берсеннән гариза гына кирәк" , - дип хәбәр итте мәгариф идарәсе башлыгы Рөстәм Хуҗин.
Барлык сораулар буенча хәрби бурычлыларның гаилә әгъзаларына 89179168910 телефоны буенча ярдәм күрсәтү мәсьәләләре буенча кайнар линиягә мөрәҗәгать итәргә була.
При использовании информации просьба ссылаться на Управление информационной политики и по связям с общественностью.
Сишәмбе, 4 октябрь 2022, 13:16