Яр Чаллыда өлкән буын декадасы кысаларында гомерләре озын булган ветераннарны хөрмәтләү дәвам итә. Комсомол районы администрациясе тарафыннан районның иң өлкән кешесе Василиса Григорьевна Шахматованы котлау оештырылды. Комсомол районы администрациясе башлыгы вазыйфаларын башкаручы Фидарис Хәбибуллин аның өенә барып истәлекле бүләк тапшырды һәм сәламәтлек теләде. Василиса Григорьевна Шахматовага 104 яшь. Ул Воронеж өлкәсе Богучарский (Радчинский) районының Сухой Донец авылында туган. Ата-аналары колхозда игенчеләр булып эшли. Гаиләдә җиде бала тәрбияләнәләр.
Василиса Григорьевна, урта мәктәпнең 8 сыйныфын тәмамлап, 1936 нчы елдан «Сталин фермасы» совхозында эшли башлый, монда булачак тормыш иптәше Иван Ермеевич Лукъяновны очрата.
При использовании информации просьба ссылаться на Управление информационной политики и по связям с общественностью.
Җомга, 7 октябрь 2022, 09:22