Шамил Усманов урамында каен һәм миләш үсентеләре пәйда булды. Аларны КФУның Яр Чаллы институты студентлары, администрация хезмәткәрләре утыртты. «Бүген җәй дәвамында ремонтланган, төзекләндерелгән Ш.Усманов участогында агачлар утыртабыз, яңа парковка урыннары булдырылды, тротуарлар һәм велосипед юллары урнаштырылды. Урын бик матур: КФУ бинасы янында эскәмияләр белән яхшы аллея барлыкка килде», - диде Башкарма комитет җитәкчесе Фәрит Сәлахов.
Институт директоры Мәхмүт Ганиев үсентеләр утырту нәтиҗәсендә институт бинасы тагын да ямьлерәк һәм төзегрәк күренүен билгеләп үтте. «Горзеленхоз»ның 13 участогы бригадиры Эльвира Таһирова белдерүенчә, шәһәрнең матурлануында битараф булмаган чаллылыларның өлеше зур.
При использовании информации просьба ссылаться на Управление информационной политики и по связям с общественностью.
Шимбә, 8 октябрь 2022, 08:25