5 октябрьдән 7 октябрьгә кадәр Яр Чаллы дәүләт педагогия университеты «Яңа офыклар» масштаблы өч көнлек мәгърифәт форумын уздыру мәйданчыгына әверелде. Чара Россия Федерациясенең мәгариф министрлыгы белән берлектә «Белем» җәмгыяте тарафыннан оештырылды.
Марафон ачылышы Яр Чаллы дәүләт педагогия университеты универсаль педагогик компетенцияләре технопаркында узды. Сәламләү сүзе белән Татарстан Республикасы Мәгариф һәм фән министры урынбасары Станислав Андреев, Татарстан Республикасы Яшьләр эшләре һәм спорт министрлыгының Мәгълүмати-аналитик эш бүлеге башлыгы Разилә Җамалова чыгыш ясады.Чакырылган спикерлар арасында медиа шәхесләре бар иде. Аларның берсе-Россия фигуристы, Россиянең атказанган спорт мастеры Алексей Ягудин. Лектор үзенең чыгышын реаль тормыш мисаллары белән бергә тыңлаучыларны актив алга барырга һәм үзен камилләштерергә этәрде. Тагын бер кунак, Россиянең танылган актёры һәм күңел ачу программаларын алып баручы Оскар Кучера «Никадәр авыррак булса, шулкадәр кызыклырак» дигән тема белән чыгыш ясады. Ул уңышка илтүче юлда җиңәргә туры килгән авырлыклар турында сөйләде. Тормыштагы якты мисаллары белән ул тыңлаучыларны актив алга барырга һәм үз максатларына ирешергә этәрде. Студентлар рәхәтләнеп тыңладылар һәм күп сораулар бирделәр. Оскар Кучера булачак укытучыларга сабырлык теләде һәм бик җаваплы һөнәр сайлаганнары өчен рәхмәт белдерде. Үзенең беркайчан да педагог була алмаячагын билгеләп үтте.
Форум дәвамында студентлар актуаль һөнәри белемнәр алдылар һәм педагогик эшчәнлектә кирәк булачак күнекмәләрне гамәлдә куллана алдылар. Форум спикерлары-Маркетинг өлкәсендәге экспертлар, бизнесменнар, белем бирү программалары авторлары, психологлар һәм коучлар уңышлы остазлык серләре, укытучының шәхси бренды, тупаслык һәм белем бирү киңлегендә геймфикациянең мөһимлеге турында сөйләделәр. Тыңлаучылар шулай ук халык алдында чыгыш ясаудан куркуны җиңәргә һәм тыңлаучыларның игътибары белән идарә итәргә өйрәнделәр.
При использовании информации просьба ссылаться на Управление информационной политики и по связям с общественностью.
Сишәмбе, 11 октябрь 2022, 15:12