Бүген автокалада каты коммуналь калдыклар белән эш итү буенча «Гринта» төбәк операторыннан яңа партия контейнерлар кабул ителде. Компания күпфатирлы йортларда яшәүчеләр өчен 2 меңнән артык евроконтейнер сатып алган, хәзер шәһәрнең идарәче компанияләре искергән һәм яраксыз хәлгә килгән савытларны алыштыра. "Вилюй" идарәче компаниясендә яңа контейнерларны күрсәттеләр.
"Яңа контейнерлар зурайтылган күләмгә ия, коррозияләнмәгән, хәрәкәтчәнлек һәм тиз төяү өчен тәгәрмәчләр белән җиһазландырылган. Капкач исә начар ис таралуга, чүп-чарны җил белән таратуга юл куелмый, - дип хәбәр итте «Гринта» генераль директоры Светлана Ярлыченко. - Бу бигрәк тә әлегә кадәр чүп-чар үткәргечләре файдаланыла торган йортларда актуаль һәм ишегалларын җыештыручылар махсус техника килгәнче үк аларның җыелма камераларын бушаталар".
Компания кирәкле зурлыктагы контейнерларны сатып алу өчен чүп-чар камералары күләме турында сораштырды: 0,32, 0,66, 0,7 яки 1,1 литр. Контейнерлар төбәк операторы акчасына сатып алынган.
Шәһәр хуҗалыгы һәм халык яшәешен тәэмин итү идарәсе башлыгы Илдар Гайнуллин компаниянең коммуналь калдыклар белән эш итүгә актив кушылуын билгеләп үтте.
При использовании информации просьба ссылаться на Управление информационной политики и по связям с общественностью.
Чәршәмбе, 19 октябрь 2022, 16:04