Яр Чаллы шәһәренең хезмәт базарындагы вәзгыять тотрыклы. Мәшгульлек үзәгендә исәптә торучы эшсез гражданнарның гомуми саны – 1029, эшсезлек дәрәҗәсе-0,36%. Россия Федерациясе буенча теркәлә торган эшсезлек дәрәҗәсе 0,8% тәшкил итә, ул безнең шәһәр белән чагыштырганда ике тапкыр диярлек югарырак.
"Татарстан Республикасының барлык шәһәрләре һәм илебезнең шулай ук моношәһәрләрнең сәнәгать үзәкләре арасында эшсезлек дәрәҗәсе иң түбән", – дип билгеләде Наил Мәһдиев.
Бүгенге көндә мәгълүматлар базасында урнаштырылган вакансияләр саны 5800 буш эш урыны тәшкил итә, бер эшсез гражданга 6 вакансия туры килә.
"Электр-газ белән эретеп ябыштыручылар, слесарьлар, атучылар, машина йөртүчеләр, электромонтерлар, көйләүчеләр квалификацияле эшчеләргә ихтыяҗ зур. Тәрбиячеләргә, төрле белгечлек инженерларына, шәфкать туташларына, каравылчыларга һәм башкаларга ихтыяҗ кала. Сирәк очрый торган вакансияләр дә бар: PR-хезмәте белгече, программист кебекләр" , – дип сөйләде аппарат киңәшмәсендә Яр Чаллы халыкны эш белән тәэмин итү үзәге директоры Татьяна Быданова.
Мәшгульлек үзәгендә шулай ук кирәкле программалар һәм белгечлекләр буенча укулар үткәрелә.
При использовании информации просьба ссылаться на Управление информационной политики и по связям с общественностью.
Дүшәмбе, 24 октябрь 2022, 09:33