Сәламәтлек саклау министрлыгы боерыгы белән әлеге вазыйфага Ирина Ефимовна Нургатина билгеләнде. Ирина Нургатина педагогик эшчәнлектә зур тәҗрибәгә ия, ул Чаллы дәүләт педагогия институтының медицина-биология дисциплиналары кафедрасында, Яр Чаллы дәүләт педагогия институтының башлангыч белем бирү педагогика һәм методика факультетында эшләде. Мәскәү дәүләт мәдәният һәм сәнгать университетының Чаллы шәһәрендәге филиалын җитәкли, Казан федераль университетының Чаллы институты социаль һәм тәрбия эшләре буенча директор урынбасары булып хезмәт куя. Шәһәр мэры Наил Мәһдиев, аппарат киңәшмәсендә яңа җитәкчене тәкъдим итеп, Ирина Нургатинаның яхшы хезмәт исемлеге барлыгын, шәһәрдә үзенең эшлекле сыйфатлары белән билгеле булуын ассызыклап үтте. "Аның идарә итү тәҗрибәсе дә, профессиональ тәҗрибәсе дә бар, - дип билгеләп үтте Наил Мәһдиев. - Көллият базасы коллектив кебек үк бик әйбәт. Эштә уңышлар телибез".
При использовании информации просьба ссылаться на Управление информационной политики и по связям с общественностью.
Дүшәмбе, 31 октябрь 2022, 09:26