Бүген аппарат киңәшмәсендә Башкарма комитет җитәкчесе урынбасары, финанс идарәсе башлыгы Светлана Мулекова Чаллы бюджетының үтәлеше турында сөйләде. 2022 елның 9 аенда шәһәр бюджетының керем чыганаклары 10 млрд 595 млн сум тәшкил иткән. Узган ел белән чагыштырганда керемнәр 22%ка арткан. "Физик затлар милек салымын түләүнең якынлашып килүче срокларына аеруча игътибар итәсем килә. 1 декабрьгә кадәр салымнар түләнмәгән очракта, исәпләнгән суммалар бурыч статусын алачак, бу срогы чыккан һәр көн өчен пенялар исәпләнә. Җирле бюджет буенча бурычлар артмасын өчен, шәһәрнең барлык гражданнарына аңлы булырга һәм 2022 елның 1 декабренә кадәр милек салымнарын түләргә кирәк", – дип мөрәҗәгать итте чаллылыларга Башкарма комитет җитәкчесе урынбасары, финанс идарәсе башлыгы Светлана Мулекова.
Шуны да билгеләп үтәргә кирәк, бүгенге көндә «физик затлар өчен шәхси кабинет» сервисына физик затларның милек салымнарын түләүгә салым белдерүләре тулысынча чагылдырылган. Шәхси кабинеттан файдаланмаган салым түләүчеләр үз уведомлениеләрен почта аша – заказлы хатлар белән алдылар.
Киңәшмәдә шулай ук чыгымнар буенча Яр Чаллы бюджеты планы турында да фикер алыштылар. 1 октябрьгә ул 13 млрд 817 млн сум тәшкил иткән. 9 ай эчендә чыгымнар планы башта расланган планнан арттырылды, шул исәптән ел башына калган һәм Россия Федерациясе бюджетының өстәмә кергән акчалары исәбенә. Бюджеттагы өстәмә чыгымнарның төп юнәлешләре - Россия Федерациясе президентының май указларын гамәлгә ашыру - тармак белгечләренә хезмәт хакын арттыру өчен 321 млн сум; террорчылыкка каршы һәм янгынга каршы чаралар үткәрү, муниципаль оешмаларга агымдагы ремонт үткәрү, энергияне саклаучы урам яктырткычларын алмаштыру өчен – 75 млн сум; коммуналь техниканы капиталь ремонтлауга 55 млн сум; 2021 ел ахырында файдалануга тапшырылган ике гомуми белем бирү оешмасының һәм өч балалар бакчасының яңа челтәрен тоту – 156 млн сум. Шәһәрнең дәүләт сәламәтлек саклау учреждениеләрендә эшләүче табиб-белгечләргә торак алу өчен бер тапкыр бирелә торган матди түләүләргә 10,7 млн сум акча билгеләнгән.
«Без һәрвакыт бюджет билгеләмәләрен тулысынча үтәдек. Бюджет үтәлешенең коры саннары артында - Чаллы шәһәренең һәр гражданинына кагылышлы ачык вәкаләтләр тора. Без барыбыз да җәмәгать игелекләреннән – юллардан, торак-коммуналь хезмәтләрдән, муниципаль өлкә учреждениеләреннән, кыскасы бөтен шәһәр инфраструктурасыннан файдаланабыз», – дип билгеләде Наил Мәһдиев.
9 айда шәһәр бюджеты чыгымнары 11 млрд 332 млн сум тәшкил иткән. Чыгымнарның төп өлеше – икътисадый структурада 68% – хезмәт хакы түләүгә; 9%-торак – коммуналь хуҗалыкка һәм милли сәясәткә; 8% – коммуналь хезмәтләр өчен түләүгә һәм муниципаль учреждениеләр мөлкәтен карап тотуга; 5% - мәктәпкәчә һәм гомуми белем учреждениеләрендә балаларны тукландыруны оештыруга, ата-аналар түләвенең бер өлешен компенсация түләүләрен һәм ятим балаларны карауга айлык акчалата түләүне финанслауга, ата-ана назыннан мәхрүм булып вакытлыча гаиләләргә опекага бирелгән балалар өчен түләүләргә; 10% – мәҗбүри түләүләрне гамәлгә ашыруга һәм муниципаль учреждениеләрнең башка чыгымнарына. Агымдагы елның 9 аенда социаль-мәдәни өлкәне тәэмин итүгә 9 млрд 648 млн сум җибәрелгән, бу ике яңа мәктәп, өч балалар бакчасы ачылу, хезмәт хакын арттыру, террорчылыкка каршы һәм янгынга каршы чаралар үткәрүгә чыгымнарны финанслау, муниципаль оешмаларны агымдагы ремонтлау уңаеннан узган ел дәрәҗәсеннән 46% ка артык.Аппарат киңәшмәсендә Светлана Мулекова агымдагы ел ахырына кадәр шәһәр бюджетын үтәү бурычларын билгеләде. Бу, барыннан да элек, үз керемнәрегезне җыю эшен көчәйтү, салым һәм салым булмаган керемнәр буенча бурычларны максималь киметү, кабул ителгән бюджет йөкләмәләрен вакытында үтәүне тәэмин итү; кредит бурычларын барлыкка китермәү.
При использовании информации просьба ссылаться на Управление информационной политики и по связям с общественностью.
Дүшәмбе, 7 ноябрь 2022, 09:40