Казанда «Безнең заман - Наше время» эшләүче яшьләр X ачык республика телевизион иҗат фестиваленең гала-концерты булды. «Безнең заман - Наше время» эшләүче яшьләрнең республика иҗат фестивале Татарстанда 2013 елдан бирле республика президенты ярдәме белән үткәрелә. Фестиваль - дәүләтнең социаль әһәмияткә ия проекты. Фестивальнең максаты - кадрларның яңа буынын формалаштыру, эшче һәм инженер һөнәрләрен популярлаштыру, республика предприятиеләрендә һәм оешмаларында эшләүче яшьләрнең иҗади потенциалын ачу. Чара телевизион фестиваль булып тора. Барлык гала-концертлар «ТНВ» телеканалында трансляцияләнә.
Ел саен фестиваль Татарстан Республикасы предприятиеләре һәм оешмаларының дистәләгән яшьләрен җыя, алар анда "Хореография", "Музыка", "Дан минуты" номинацияләре буенча чыгыш ясыйлар. Яр Чаллыны елдагыча шәһәр оешмалары һәм предприятиеләренең иҗади эшләүче яшьләре тәкъдим итте, шулай ук алар призлы урыннар яуладылар. «Хореография» номинациясендә кече формалар чыгышында 2 урынны «Ремдизель» АҖ бию коллективы Эмиль Вафин, Регина Рябова һәм "КАМАЗ" хореография коллективы яулады. Ансамбль категориясендә призлы урыннар «Челны бройлер» хореография коллективына бирелде – 2 урын һәм 1 урын «КАМАЗ» коллективында.
«Музыка» номинациясендә «КАМАЗ» иҗат коллективлары ике беренче урынга лаек булды. Бу команда шулай ук «Дан минуты» номинациясендә «Башкаруның югары культурасы өчен» махсус приз һәм «Пятиминутка» номеры өчен 2 нче дәрәҗә диплом белән бүләкләнде. Беренче урынга «КАМАЗ»ның визитка-презентациясе дә лаек дип табылды. Фестиваль нәтиҗәләре буенча гомумкоманда зачетында «Безнең заман геройлары» Кубогын да бу команда яулады. Кубоктан тыш, командага 300 мең сум күләмендә акчалата приз, Татарстан Республикасы профсоюзлар Федерациясе сертификаты, Татарстан Республикасы президенты каршындагы Мәдәниятне үстерүгә ярдәм фондыннан бүләк, диплом һәм медальләр тапшырылды.
"Безнең заман - Наше время" эшләүче яшьләрнең X ачык республика телевизион иҗат фестиваленең Гран-при иясе «Юл хәрәкәте иминлеге» командасы булды. Җиңүче команда 500 мең сумлык акчалата приз, шулай ук Татарстан Республикасы президенты Рөстәм Миңнеханов кулыннан күчмә Кубок алды.
При использовании информации просьба ссылаться на Управление информационной политики и по связям с общественностью.
Сишәмбе, 8 ноябрь 2022, 10:17