Бүген шәһәр мэры Наил Мәһдиев «ТГ-Терминал» генераль директоры Максим Страхов җитәкләгән Россиянең алдынгы шәхси логистика компаниясе FESCO делегациясе белән очрашты. Очрашуда шулай ук Татарстан Республикасы президенты ярдәмчесе, Татарстан Республикасы президенты каршындагы эшмәкәрләр хокукларын яклау буенча вәкаләтле вәкил Фәрид Габделганиев катнашты. Контейнерлар ташуның транспорт-логистика инфраструктурасын үстерү өлкәсендә хезмәттәшлек итү мәсьәләсе каралды. "Чаллыда урнашкан мәйданчыклар бездә зур кызыксыну уята", – дип билгеләп үтте Максим Страхов.
Үз чиратында Фәрид Габделганиев искәрткәнчә, 2022 елның сентябрендә Көнчыгыш икътисадый форум кысаларында FESCO төркеме һәм Татарстан Республикасы Хөкүмәте арасында контейнерлар ташуны үстерү буенча ниятләр турындагы килешүгә имза куелды. Шул ук вакытта Владивосток портыннан FESCO KAZAN Shuttle (FKS) сервисының беренче контейнер поезды эшли башлады. Регуляр сервис Урта Идел предприятиеләрен Көньяк-Көнчыгыш Азия илләре базарлары белән бәйләде, анда глобаль эшлекле активлык үзәге тиз хәрәкәт итә.
При использовании информации просьба ссылаться на Управление информационной политики и по связям с общественностью.
Пәнҗешәмбе, 10 ноябрь 2022, 16:39