Бүген Чаллыдан чираттагы гуманитар ярдәм партиясе чыкты. Йөк машиналары колоннасы Лисичанскида яшәүчеләргә гуманитар ярдәм белән юл алды. 6,7 млн сумлык йөк өч автомобильгә төялде, аларның һәрберсе 20 тонна йөк сыйдырышлы. Бу инде Чаллыдан беренче генә юллама түгел.
Шәһәр мэры Наил Мәһдиев билгеләп үткәнчә, әлеге активлык Чаллы халкының битараф булмавын тагын бер кат ассызыклый: "Без сезнең белән бергә кешеләргә гуманитар ярдәмнең алтынчы партиясен җибәрәбез. Сезнең көч белән тагын бер йөк формалашты. Чаллы шәһәре-максатчан, актив кешеләр шәһәре генә түгел, ул игелекле кешеләр шәһәре дә. Бу машиналарга бүген он, шикәр, бер тапкыр кулланыла торган савыт-саба һәм кайнар туклануны оештыру өчен кирәк булган бар нәрсә төялде. Күпчелек азык-төлек шәһәр хисабыннан түләнде. Күп кенә хезмәттәшләребез, Башкарма комитет хезмәткәрләре оператив рәвештә колоннаны формалаштыру өчен барысын да эшләделәр. Безне эре һәм урта бизнес предприятиеләре хуплады", - диде мэр.
Бүген Лисичанскида яшәүчеләрне тукландыруны оештыру өчен кыр кухнясы эшчәнлеген тәэмин итү өчен җибәрелгән йөк мобилизациялеләргә ярдәм фондыннан түләнде. Шәһәр эшмәкәрләре дә ярдәмгә кушылды. Товар "Табыш" компаниясе тарафыннан бушлай бирелә. "Ал-Мет чимал компаниясе" коллективы Әнвәр Норов, Илдар Гатауллин һәм Марат Мостафин Лисичанскида яшәүчеләргә гуманитар ярдәм өчен акча җыюны оештырдылар.При использовании информации просьба ссылаться на Управление информационной политики и по связям с общественностью.
Пәнҗешәмбе, 17 ноябрь 2022, 12:16