Яр Чаллыда эшләүче яшьләрнең "Брдәмлектә безнең көч" форумы узды. Быел Татарстан Республикасы Яшьләр эшләре министрлыгы гранты ярдәмендә ул «Звездный» сәламәтләндерү лагеренда күчмә форматта узды. Форумга Яр Чаллы шәһәренең сәнәгать предприятиеләрен генә түгел, бюджет учреждениеләрен дә тәкъдим итүче актив эшләүче яшьләреннән 120 кеше гариза тапшырган. 52 кешедән торган иң зур делегация «КАМАЗ»ны тәкъдим итте. Шулай ук «ЦСМ Татарстан» Яр Чаллы филиалы, «Татэнерго» филиалы – Түбән Кама ГЭСы, РФ Пенсия фонды бүлеге, «РИАТ», ДОМКОР, Яр Чаллы ТЭЦ, «Хайер», «Челны Бройлер», «Сетевая компания» Яр Чаллы электр челтәре һ.б. компанияләр катнашты. Катнашучыларның уртача яше 26-29 иде.
19 ноябрьдә пленар утырыш булды, анда Форумның мәртәбәле кунаклары: яшьләр белән эшләү идарәсе башлыгы Ләйсән Видинеева, «Бердәм Россия» партиясенең Чаллы җирле бүлекчәсе башкарма секретаре Римма Фәсхетдинова, «Татарстан Республикасы предприятие һәм оешмалары яшьләр берлеге» советы рәисе Айдар Сагетдинов катнашты.
Форумда катнашучылар өчен оештыручылар бай программа – мәгариф блогы, коммуникация уеннары, бау курсы, иҗади мастер-класслар фестивале әзерләделәр. Аларга эшче яшьләр өчен программалар, проектлар һәм мөмкинлекләр турында хәбәр иттеләр. Барысы да сорау бирә һәм җавап ала алды. Шулай ук «Яр Чаллы шәһәре предприятиеләре һәм оешмаларының яшьләр советы» рәисе Дмитрий Ульдяков башкарылган эшләр турындагы доклад белән чыгыш ясады. Пленар утырыш ахырында кунакларга һәм активистларга "Яр Чаллы шәһәре предприятиеләре һәм оешмаларының яшьләр Советы"ннан Рәхмәт хатлары тапшырылды.
При использовании информации просьба ссылаться на Управление информационной политики и по связям с общественностью.
Дүшәмбе, 21 ноябрь 2022, 14:45