Ел саен үткәрелә торган "Милли курчак-2022" шәһәр балалар иҗаты конкурсы Халыклар дуслыгы йорты сәхнәсендә узды. Балалар үз халкының мәдәниятен, телен, йолаларын тәкъдим иттеләр. Бәйгедә армән, башкорт, украин, чуваш, мари, Корея, азербайҗан, яһүд, рус һәм үзбәк җәмгыятьләре, шулай ук татар һәм чечен милләтләре вәкилләре катнашты.
Конкурс алдыннан актив әзерлек булды: балалар туган телләрендә сәламләү сүзләрен, биюләрен өйрәнделәр. Катнашучыларга проектны оештыручы, «Чишмә» Халыклар дуслыгы йортының баш оештыручысы, сәнгать җитәкчесе Вероника Шокилбаева һәм хореограф, бию куючы Рәсимә Мөхәммәтшина ярдәм итте. Балалар бәйрәмгә әзерлек һәм аны уздыру процессы белән сокландылар, матур һәм кыю рәвештә сәхнәгә чыгып, үз халкы, милләтләре белән таныштырдылар. Икенче этаж фойесында "Милли курчак-2022" конкурсының күргәзмәсен оештырдылар.
Барлык катнашучыларга дипломнар, статуэткалар һәм истәлекле бүләкләр тапшырылды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 24 ноябрь 2022, 16:53