Чаллыда "Синең волейбол" профилактик чаралар комплексы проекты кысаларында студентлар арасында волейбол буенча ярышлар дәвам итә.
Искәртеп узарга кирәк, Татарстан Республикасы Яр Чаллы шәһәре волейбол федерациясе коммерцияле булмаган оешмаларга балалар һәм яшьләр өчен социаль әһәмиятле проектларны гамәлгә ашыруга «Татарстан Республикасы халкы арасында наркоманияне профилактикалау» номинациясендә Татарстан Республикасы бюджетыннан грантлар конкурсында җиңүче булган иде. Конкурс кысаларында "Синең волейбол" профилактик чаралар комплексы проекты тормышка ашырыла. Аңа Яр Чаллы шәһәре студентлары арасында волейбол ярышларын оештыру һәм уздыру һәм студентлар өчен профилактик чаралар сериясе керәчәк: студентлар белән сәламәт яшәү рәвеше темасына очрашулар узачак, халык арасында наркоманияне профилактикалау буенча календарьлар һәм брошюралар таратылачак, шулай ук сәламәт яшәү рәвеше темасына видеоролик әзерләнәчәк.
Футбол кырына беренчеләрдән булып югары белем бирү мәгариф оешмалары студентлары чыкты, уеннар Казан федераль университетының Яр Чаллы институты базасында узды. Казан федераль университетының Яр Чаллы институты, Чаллы дәүләт педагогия университеты, В. Г. Тимирязев ис. Казан инновацион университетының Яр Чаллы филиалы командалары һ.б. чыгыш ясады.
Уенның суперфиналы 18 декабрьдә 11 нче Олимпия резервы спорт мәктәбе базасында узачак. Җиңүчеләргә дипломнар, кубоклар, фирма медальләре һәм спорт кибетенә сертификатлар тапшырылачак.
При использовании информации просьба ссылаться на Управление информационной политики и по связям с общественностью.
Чәршәмбе, 30 ноябрь 2022, 14:50