Владимир Чагин һәм «Ефәк юл» халыкара ралли проекты дирекциясе кар автомобильләрендә ралли-рейдлар оештыра. Ярышта 100дән артык спорт экипажы, шул исәптән дустанә чит илләрдән дә катнашачак. Ярышлар яңа спорт дисциплинасын – кар машиналарында ралли-рейдларны үстерергә ярдәм итәчәк. Бу халыкара ярышның ел саен үткәрелә торган Россия этабы булыр дип планлаштырыла. Ярышлар 2023 елның 22-25 февралендә кросс-ил ралли кагыйдәләре буенча «эндуро на снегоходах» дисциплинасында узачак. Техника төренә карап, катнашучылар биш зачет классына бүленәчәк, бу профессиональ спортчылар өчен дә, яңа катнашучылар өчен дә тигез һәм мавыктыргыч көрәш тәэмин итәчәк. Райдерларга гомуми озынлыгы 300 километр булган өч махсус участокны үтәргә туры киләчәк. Кар автомобильләрендә ралли-рейд маршруты алдан әзерләнгән трассаларсыз кисешкән җир буенча салыначак. Ярышчыларның бурычы: тизлекле участокларны рөхсәт ителгән вакыт аралыгында узып, навигация системасы ярдәмендә оештыручы тарафыннан каралган эзлеклелектә барлык контроль нокталарны ачып, финишка барып җитү. Шул рәвешле җайдакларга секундлар өчен көрәшергә генә түгел, штурман бурычларын да хәл итәргә туры киләчәк.
Катнашучыларны һәм җанатарларны Татарстанның кабатланмас матур урыннары, уникаль лшафтлар көтә. Зур тарихи һәм мәдәни мирас аларның йөрәкләрендә онытылмаслык тәэсир калдырачак. Проект ел саен үткәрелә торган федераль спорт вакыйгасы булачак. Чараны оештыру һәм уздыру «Ефәк юл»проекты дирекциясе акчасына башкарылачак.
При использовании информации просьба ссылаться на Управление информационной политики и по связям с общественностью.
Дүшәмбе, 19 декабрь 2022, 10:40