"Нур" яшьләр үзәгендә «Синең волейбол «Профилактик чаралар комплексы» проекты кысаларында студентлар белән очрашу узды.
Яр Чаллы шәһәре волейбол федерациясе коммерцияле булмаган оешмаларга балалар һәм яшьләр өчен социаль әһәмиятле проектларны гамәлгә ашыруга «Татарстан Республикасы халкы арасында наркоманияне профилактикалау» номинациясендә Татарстан Республикасы бюджетыннан грантлар конкурсында җиңүче булган иде. Проектка Яр Чаллы шәһәре студентлары арасында волейбол ярышларын оештыру һәм уздыру, студентлар өчен сәламәт яшәү рәвеше темасына профилактик чаралар сериясе, шулай ук сәламәт яшәү рәвеше темасына видеоролик керде.
Икенче очрашу психоактив матдәләр куллану темасына узды, спикер булып Чаллы наркология диспансеры медицина психологы Гүзәл Мортазина чыгыш ясады. Очрашуда яшьләрдә наркотик, тәмәке һәм алкогольгә бәйлелекне профилактикалау, шулай ук аларда сәламәт яшәү рәвеше формалаштыру турында сөйләштеләр. Очрашу кысаларында кешенең сәламәтлеге һәм аның үзен ничек саклавы, шулай ук сәламәт яшәү рәвешенә ярдәм итүче яки файда китерүче мавыгулар һәм дәресләр темасы кузгатылды. Белгеч белән диалог форматында кеше организмына тискәре йогынты ясаучы һәм зарарлаучы факторлар каралды. Йомгаклау очрашуы 12 декабрьдә 18:00 сәгатьтә узачак. Моннан тыш, 18 декабрьдә 11 нче Олимпия резервы спорт мәктәбендә студентлар арасында волейбол буенча финал ярышлары үтәчәк, ул 10:00 сәгатьтә башлана.
При использовании информации просьба ссылаться на Управление информационной политики и по связям с общественностью.
Сишәмбе, 6 декабрь 2022, 11:36