Гадәттәгечә, 19 декабрьдән 26 декабрьгә кадәр авыр тормыш хәлендә булган 8300 бала, иҗтимагый оешмалар активистлары һәм уку алдынгылары, мобилизацияләнүчеләрнең балалары, Бөтенроссия, республика олимпиадаларында җиңүчеләр, призерлар өчен мэр чыршысы уздырыла. Ата-аналары бюджет өлкәсендә эшләүче балалар бүләкләр белән тәэмин ителәчәк. Бу максатларга бюджеттан 9 миллион 389 мең сум акча бүленгән. Быел чыршы бәйрәмендә укучылар «Мастеровые» рус драма театрында «Алиса в Зазеркалье» һәм «Дикарь» спектаклен, Татар драма театрының «Авыл эте Акбай», шулай ук «Камаз» мәдәният сараеның «Красавица и чудовище», «Энергетик» мәдәният сараенда «Буратино и Карабас – Барабас спектакльләрен карый алачак.
Ел нәтиҗәләре буенча балаларны һәм яшьләрне бүләкләүнең популяр формасы – Татарстан Республикасы президенты Рөстәм Миңнехановның бәйрәм белән котлавы. Президент чыршысына 801 укучы киләчәк. Аның форматы үзгәрәчәк, 1-4 сыйныф укучылары өчен чыршы 23 декабрьдә була. 5-11 сыйныф балалары өчен президент чыршысы 25 декабрьдә узачак. Президент чыршысына Бөтенроссия һәм республика конкурсларында, олимпиадаларда җиңүчеләр, иҗтимагый оешмалар активистлары, мобилизацияләнгән гражданнарның балалары чакырыла.
Укучылар кышкы каникуллар чорында, 28 декабрьдән 8 гыйнварга кадәр кышкы ялда була алачак. Шәһәрнең мәгариф учреждениеләрендә өстәмә белем бирү педагоглары белән берлектә мәктәп, балалар бакчалары хезмәткәрләре тарафыннан оештырылган 618 Яңа ел тамашасы планлаштырылган. Мәктәпләрдә барлык чыршылар да бушлай булачак. Шәһәр Советы инициативасы белән кышкы каникулларда «Яңа ел хыялы» хәйрия акциясе узачак. Акция ярдәмендә ел саен авыр тормыш хәлендә булган балаларның яңа ел хыяллары чынга аша. Акция бердәмлек ярминкәләрен уздырудан һәм макулатураны тапшырудан алынган акчалар хисабына үткәреләчәк.
При использовании информации просьба ссылаться на Управление информационной политики и по связям с общественностью.
Дүшәмбе, 12 декабрь 2022, 09:56