Россия гадәттән тыш хәлләр министрлыгының ТР буенча 15нче янгынга каршы отряды башлыгы урынбасары Рафис Измайлов матбугат конференциясе барышында Татарстан Республикасы Министрлар Кабинеты карары нигезендә 2022 елның 19 декабреннән 2023 елның 8 гыйнварына кадәр республика территориясендә янгынга каршы махсус режим билгеләнә һәм кайбер чикләүләр кертелә дип сөйләде.
Янгынга каршы махсус режим чорында сәнәгать, транспорт инфраструктурасы, ягулык-энергетика комплексы чикләреннән 500 метр, шулай ук торак-коммуналь хуҗалык объектлары, кешеләр күпләп була торган объектлар чикләреннән 50 метр чигендә 1-3нче класслы пиротехник эшләнмәләрне куллануга тыю кертелде.
“Янгынга каршы махсус режим чорында полиция хезмәткәрләре белән берлектә рейдлар уздырылачак. Узган елны рейд барышында 5 закон бозу очрагы теркәлде. Алар барысыда административ җаваплылыккка тартылды”, – дип билгеләп үтте конференция барышында Рафис Измайлов.
Яр Чаллыда фейерверклар җибәрү өчен махсус алты локация билгеләнгән.
Болар — Җиңү паркында киртәләнгән мәйданчык, Табиев яр буендагы шәһәр пляжы янындагы мәйдан, "Төзүче" стадионы артындагы мәйдан, ипподром территориясендәге мәйданчык, Раскольников урамындагы 34/01 торак йорт белән "Кама буе" гараж кооперативы арасындагы мәйдан, шулай ук Тукай яр буендагы пляж янындагы мәйданчык.
При использовании информации просьба ссылаться на Управление информационной политики и по связям с общественностью.
Пәнҗешәмбе, 22 декабрь 2022, 10:49