Наил Мәһдиев билгеләп үткәнчә, тулаем алганда 2022 ел безнең шәһәр өчен уңышлы ел булды. Автокала икътисадның һәм социаль тормышның барлык өлкәләрендә дә уңай нәтиҗәләргә иреште.
“Алда мөһим бурычлар тора: 300 кв.м торак төзергә планлаштырабыз, 34 нче микрорайонда мәктәп төзергә, 69 комплекста балалар бакчасы булдырырга, Мәскәү проспекты төзелешенең беренче этабын тәмамларга, Яр буен паркын реконструкцияләү һәм үстерүнең икенче этабын дәвам итергә, Табиев яр буен төзекләндерү эшен башларга”, — дип киләсе елга үсеш векторларын атап чыкты шәһәр башлыгы.
Хаким алдагы елда юлларны, мәктәпләрне, ишегалларын ремонтлау буенча программалар читтә калмаячагын һәм узган ел дәрәҗәсендә дәвам итәчәген билгеләп үтте.
Исегезгә төшерәбез, быел 125 күп фатирлы йортта ремонт буенча 283 төр эш башкарылган, аларның гомуми суммасы 1338,8 млн сум тәшкил итә.“Безнең ишегалды” программасы буенча 1 млрд 870 млн 761 мең 854 сумлык төзекләндерү эшләре эшләнде.
2022 елда республика һәм шәһәр бюджеты хисабына магистральләрдә яктырту алмаштырылды. Төп игътибар юллар төзүгә, ремонтлауга бирелде: Гостев урамы буенча автомобиль юлын реконструкцияләү, Аэродром урамыннан Батенчук урамына кадәр күпер кичү төзелеше, Хайер Корпорациясе урамы буенча автомобиль юлын реконструкцияләү эшләре башкарылды.
“Юл-урам челтәрен ремонтлау” республика программасы буенча Тынычлык проспектыннан Чулман проспектына кадәр Халыклар дуслыгы проспекты буенча автомобиль юлына, Шамил Усманов урамы буенча Халыклар дуслыгы проспектыннан Академик Королев урамына кадәр автомобиль юлына кадәр ремонт ясалган, коммерцияле булмаган бакча җәмгыяте “Гидротөзүче – 1” керү юлы ремонтланды.
“Ил һәм республика җитәкчелеге, Россия Федерациясе Хөкүмәте ярдәме белән куелган барлык бурычлар да үтәлер дип ышанам. Чаллы-стратегик яктан мөһим шәһәр, илебезне “КАМАЗ”сыз күз алдына китерү мөмкин түгел”, – дип өстәде Наил Мәһдиев.
При использовании информации просьба ссылаться на Управление информационной политики и по связям с общественностью.
Дүшәмбе, 26 декабрь 2022, 11:29