Бүген Чаллы депутатлары шәһәр Советы
даими комиссияләренең уртак утырышын уздырдылар. Онлайн режимда 38 депутат
катнашты, алтысы берничә сәбәп аркасында (командировка, авыру сәбәпле) булмады.
Көн тәртибендә-биш мәсьәлә, спикер булып Башкарма комитет җитәкчесе урынбасары, финанс идарәсе җитәкчесе Светлана Мулюкова билгеләнде. Ул 2023 елга бюджетны үзгәртү инициативасы белән чыкты.
Махсус хәрби операциядә катнашучыларга һәм Россиянең яңа регионнары инфраструктурасын торгызуга, халкына гуманитар ярдәм күрсәтүгә 150 млн сум күләмендә акча бүлеп бирү тәкъдим ителә.
Шулай ук яшь гаиләләргә торак сатып алу һәм төзү өчен социаль түләүләр бирүгә 15 млн 339 мең сум акча күздә тотарга кирәк.
Моннан тыш, 2022 елда шәһәр бюджеты үтәлеше турындагы хисап проекты буенча 2023 елның 10 мартына ачык тыңлаулар уздыру датасын билгеләргә тәкъдим ителде. Җәмәгать тыңлауларын үткәрү вакыты-14:00.
При использовании информации просьба ссылаться на Управление информационной политики и по связям с общественностью.
Пәнҗешәмбе, 19 гыйнвар 2023, 16:00