Open City ресторанында Чаллы мэры Наил Мәһдиевның Җиңү көненең 78 еллыгына багышланган тантаналы кабул итүе узды. Чарага Бөек Ватан сугышы ветераннары, шулай ук ялда булган хәрбиләр чакырылган иде.
Котлауларын һәм рәхмәт сүзләрен муниципаль берәмлек башлыгы урынбасары Ирина Сәгыйдуллина җиткерде. Ул ветераннарга һәм тыл хезмәтчәннәренә Бөек Җиңү эшенә зур өлеш керткәннәре өчен рәхмәт әйтте, батырлыклары һәм кыюлыклары өчен мобилизацияләнгәннәргә тирән хөрмәт белдерде. "Безнең гражданлык бурычы – ул көннәр, шул геройлар турында истәлекне саклап калу, аларны балаларыбызга һәм киләчәк буыннарыбызга тапшыру", – дип билгеләп үтте Ирина Сәгыйдуллина. Ул мобилизацияләнгән хәрбиләргә һәм аларның гаиләләренә Чаллыда гамәлгә ашырыла торган ярдәм чаралары турында искә төшерде һәм ышандырды: "Сез шикләнмәгез, егетләр, без сезне ташламаячакбыз һәм алга таба да сезгә һәм гаиләләрегезгә ярдәм итәчәкбез".
Татарстан Республикасы Дәүләт Советы Комитеты рәисе Светлана Захарова катнашучыларны Татарстан Республикасы Дәүләт Советы депутатлар корпусы һәм Рәисе Рөстәм Миңнеханов исеменнән котлады һәм рәхмәт белдерде. Ул ветераннардан яшьләр белән ешрак очрашуларын сорады: "Сез – чын тарих, Бөек Ватан сугышы турында хакыйкатьне сөйлисез, кызганычка каршы, бүген безнең дошманнар аны юк итәргә тырышалар", – дип ассызыклады ул. Кунаклар өчен концерт программасы әзерләнгән, шулай ук бәйрәм төшке ашы оештырылган иде.При использовании информации просьба ссылаться на Управление информационной политики и по связям с общественностью.
Җомга, 5 май 2023, 16:38