Чаллыга эш визиты белән Татарстан Республикасы Яшьләр эшләре министры урынбасары Денис Лулаков килде. Ул шәһәрнең яшьләр сәясәте инфраструктурасы белән таныша. Кунакны яшьләр белән эшләү идарәсе башлыгы Ләйсән Видинеева озата барды. Аерым алганда, «Саулык» сәламәтләндерү комплексында, «Следопыт» балалар сәламәтләндерү лагеренда, хәзерге вакытта капиталь ремонт бара торган ышаныч телефонында, яшүсмерләр-яшьләр клубларында, «Гренада» паркында, «Заман», «Орион» һәм «Нур»яшьләр үзәкләрендә булдылар.
Капиталь ремонтланырга тиешле «Подросток» яшьләр (яшүсмерләр) клублары үзәгенең өч объектында булдылар. Учреждение директоры вазыйфаларын башкаручы Алия Бикмөхәммәтова сүзләренчә, клубларның берсе үз ишекләрен быел август аенда ук ачачак. Мөһим мәсьәләләр буенча фикер алыштылар һәм Чаллы шәһәренең яшүсмерләр клублары челтәрен үстерү буенча планнар билгеләделәр. Делегация вәкилләре караган тагын бер объект - «Орион» яшьләр үзәге. Үзәк директоры Зөлфия Бахтина учреждениедә урнашкан иҗтимагый оешмалар үзәге һәм Иреклелекне үстерү үзәге эше турында сөйләде. Денис Лулаков активистлар белән танышты һәм уртак проектларда уңышлар теләде. Сүз уңаеннан, бүген җәмәгатьчеләр 19 майга – балалар һәм яшьләр иҗтимагый оешмалары көненә әзерләнәләр.
Заман яшьләр үзәгендә очрашу барышында Денис Лулаков учреждение эше белән танышты, аерым алганда, шәһәр предприятиеләре һәм оешмалары яшьләр советы белән кызыксынды, "Ника" шәхесне үстерү академиясе иҗтимагый берләшмәсе активистлары белән тренинг узды, үзәкнең клуб берләшмәләре дәресләрендә булды. Үзәкнең эшчәнлеген директор Анна Кузнецова тәкъдим итте.При использовании информации просьба ссылаться на Управление информационной политики и по связям с общественностью.
Чәршәмбе, 17 май 2023, 15:06