Яр Чаллыда "Эшмәкәрлек лабораториясе" проектында катнашучылар арасында "Мин – эшмәкәр!" шәһәр конкурсының финалы узды. Ул эшмәкәрлек декадасы кысаларында үткәрелде. «Эшмәкәрлек лабораториясе» иҗтимагый проекты «Бердәм Россия» һәм "Үсеш партиясе" партияләренең җирле бүлекчәләре инициативасы белән гамәлгә ашырыла. Проектта дүрт мәктәптән 90лап югары сыйныф укучысы катнашы, шулардан: 36, 40, 60, 77 нче мәктәпләр. Алар шәһәрнең тәҗрибәле эшмәкәрләре җитәкчелегендә бизнес нигезләрен үзләштерәләр һәм үз проектларын эшлиләр.
Уку нәтиҗәсе бизнес-проектлар конкурсы булды. Мәктәп этапларыннан соң финалга 11 команда үтте. Балалар бизнесның төрле идеяләрен тәкъдим иттеләр: "Фрипастика җиләк-җимеш чипсы һәм как җитештерү"; "Петрушка- сәламәт туклану кибете"; "Точка - мәктәпләрдә канцелярия товарлары белән вендинг аппаратлары" һәм башкалар.
"Эшмәкәрлек лабораториясе" - тарихта беренче тапкыр ике партиянең бер идея өчен берләшүе белән уникаль проект. Алар: әгәр без бергә булсак, җиңү безнең безнең белән булачак, эшмәкәрлектә буламы ул, тормыштамы дип әйтергә телиләр" , – дип билгеләп үтте Башкарма комитет җитәкчесе урынбасары, жюри рәисе Наталия Кропотова.
Конкурста 60 нчы мәктәп укучылары Вадим Елкин һәм Сергей Макаров, Phantom проекты авторлары җиңде. Алар 14-18 яшьлек укучылар өчен яңа кызыклы форматларда һәм гадәти булмаган урыннарда кичәләр оештыралар. Музыкаль концертлар, дискотекалар, гитара белән тыныч кичәләр, өстәл уеннары һәм башка бик күп нәрсәләр. Инде җиде ай эшлиләр, 30 кешелек команданы берләштерәләр. Иң зур чара – күңел ачу клубында 800 кешегә исәпләнгән чара.
Икенче урынны 77 нче гимназиядән Диана Цикало алды. Кыз үзе ясаган дизайнер стикерлары һәм шәхси, корпоратив заказчылар өчен башка полиграфия продукциясе чыгарырга планлаштыра.
Өченче урынны 36тнчы лицейдан «Ё.мое» проекты алды. Эвелина Сәйфетдинова һәм Анна Заботнова сатып алучылар теләге буенча киемнәргә буяулар белән рәсем ясыйлар.
"Һәркем киләчәккә күз салырга тели. Бүген безгә бәхет елмайды, без иртәгә икътисадны, фәнне, мәгарифне, мәдәниятне һәм башкаларны үз өсләренә алучылар барлыгын күрдек", – дип ассызыклады жюри әгъзасы, «Чаллы шәһәренең Сәүдә-сәнәгать палатасы» Берлеге генераль директоры Фәрит Бәшәров.
При использовании информации просьба ссылаться на Управление информационной политики и по связям с общественностью.
Чәршәмбе, 24 май 2023, 09:58