Матбугат конференциясендә Татарстан Республикасы тхэквондо федерациясе рәисе Рафис Мусин һәм Татарстан Республикасы җыелма командасының баш тренеры Сергей Титкин Чаллыда узачак Россия Кубогын һәм ВТФ тхэквондо буенча Россия чемпионатын оештыру турында сөйләделәр. Боз сараенда 5 көн дәвамында иң көчле спортчылар көрәше узачак. Россия Кубогы өчен илнең 70 төбәгеннән 600гә якын спортчы көрәшәчәк.
Россия чемпионатында 250-300 кеше катнашачак. Бу команда ярышлары, спортчылар өч категориядә ярышачак: 5 спортчыдан торган ир-атлар командасы (4 төп уенчы, бер запас), хатын-кызлар командасы һәм катнаш команда 2 ир-ат һәм 2 хатын-кыз. Көрәшләр 9:00 сәгатьтә башлана, алар якынча 19:00 сәгатькә кадәр (шәхси ярыш) дәвам итәчәк, командалар бераз иртәрәк тәмамланачак.
При использовании информации просьба ссылаться на Управление информационной политики и по связям с общественностью.
Чәршәмбе, 24 май 2023, 14:50