Шәһәр мэры Наил Мәһдиев Чаллыда төзелә торган 57 нче гимназия бинасында булды. Барлык конструктив эшләр 100%, түбә 80%, фасад һәм бизәү 50%, вентиляция 70%, инженерлык челтәрләре 65%, төзекләндерү 35%ка башкарылган. Шәһәрнең баш архитекторы Мәлика Шәмсиева билгеләп үткәнчә, яңа мәктәп төзелешендә кулланыла торган барлык материаллар иң заманчалары.
Мәктәптә 15-20 урынга исәпләнгән зур актлар залы һәм кинотеатр булачак. Бу дизайнерлардан бүләк, дип сөйли Наталья Азарова, "а3 студиясе".
Притяжение микрорайонындагы 57 нче гимназиядә гади белем бирү мәктәбе сыйныфлары һәм гимназия сыйныфлары эшләячәк.
"Республикада һәм Чаллыда төзү эшләрен беләләр, бездә лаеклы төзүчеләр бар. Мин эшләгән чорда, урынымда, бу 9 ел эчендә инде тугызынчы мәктәп төзелә. Минемчә, мәктәпләр төзү-яхшы, изге эш. Фәлсәфи яктан уйлансаң, мәктәп-көч үзәге, чөнки белем – ул үзе зур көч. Монда кеше үзенең алдагы олылар тормышына аяк басыр алдыннан көч җыя. Бу мәктәпнең «Мәгариф үзәге – 57 нче гимназия» дип аталуы очраклы түгел", – дип билгеләп үтте шәһәр мэры Наил Мәһдиев.
При использовании информации просьба ссылаться на Управление информационной политики и по связям с общественностью.
Сишәмбе, 30 май 2023, 14:37