Г. М. Хәкимова исемендәге Яр Чаллы картиналар галереясендә «Мәктәп укучысының мәдәни көндәлеге» мәдәни-мәгариф проекты җиңүчеләрен бүләкләү тантанасы булды.
Бу 1-4 сыйныф укучылары арасында Татарстан Мәгариф һәм фән министрлыгы ярдәме белән Татарстан Республикасы Мәдәният министрлыгы тарафыннан гамәлгә ашырыла торган республика проекты. Әлеге проект белән бергә башлангыч сыйныф укучылары Татарстанны ачалар, аның мәдәниятен һәм тарихын өйрәнәләр.
Уку елы дәвамында укучылар сыйныфта яки әти-әниләре белән мәдәният учреждениеләрендә, үз шәһәрләрендә һәм Татарстанның башка төбәкләрендә тарихи урыннарда булдылар. Балалар Мәдәни көндәлек битләрен матур итеп бизәгәннәр, биремнәрне үтәгәннәр, сорауларга җавап биргәннәр, фотолар өстәгәннәр, рәсемнәр ясаганнар һәм укыган китаплары, музейларга һәм театрларга, кино күрсәтүләргә, концертларга һәм спектакльләргә барулары турында үз тәэсирләрен тасвирлаганнар.
При использовании информации просьба ссылаться на Управление информационной политики и по связям с общественностью.
Сишәмбе, 30 май 2023, 17:03