Яр Чаллы «ТЕХНОГОРОД» кубогына автокросс буенча Россия беренчелеге этабын кабул итә. Ярышлар традицион булып тора: Россия этабын автокала инде дүртенче ел рәттән үткәрә (2019 елдан башлап), юлдан тыш дисциплиналарның иң көчле яшь спортчыларын җыя. Трасса бөтен илдән: Мәскәү, Санкт-Петербург, Самара, Тольятти, Воронеж, Ржев, Татарстанның һәм Удмуртиянең төрле торак пунктларыннан катнашучыларны кабул итте. Бу 2023 елда автокросс буенча Россия беренчелегенең дүртенче этабы.
Чаллыда узган ярышларда спортчылар дүрт спорт классында чыгыш ясыйлар: Д3 Микро, Д3 Мини. Д3 250, Багги 600 (Д3 450). Д3-Микро классында иң яшь катнашучыларга нибары 6-8 яшь. Иң өлкәннәре (12-15 яшь) яңа һәм иң куәтле Д3-450 классында чыгыш ясыйлар, двигатель күләме 450 куб. см һәм куәте 43 ат көче. Ярышлар 950 метр озынлыктагы "Вираж" автодромының туфрак трассасында уза. Спортчылар юлсызлыкны түбән төшү һәм күтәрелү, текә борылышлар һәм трамплин кебек авырлыкларны үтәргә тиеш.
«Вираж» картодромында машиналар күргәзмәсе оештырылган, анда оригиналь модельләр белән танышырга һәм фотога төшәргә мөмкин.
При использовании информации просьба ссылаться на Управление информационной политики и по связям с общественностью.
Шимбә, 3 июнь 2023, 14:37